მესამე დღეა დიდთოვლობაა ოზურგეთის მუნიციპალიტეტში. უხვმა ნალექმა პრობლემები შექმნა მთელ რიგ სოფლებში. მოსახლეობას არ მიეწოდებოდა ელექტროენერგია, წყალი და ინტერნეტი.
ოზურგეთის მერია მუნიციპალიტეტში მიმდინარე სამუშაოების შესახებ ინფორმაციას თავის ფეისბუქ გვერდზე აქვეყნებს.
მათი ინფორმაციით, შესაბამისი სამსახურები მუნიციპალიტეტის მერიასთან ერთად სამი დღეა მუშაობენ პრობლემების აღმოსაფხვრელად. ამ წუთებში სილაურის ადმინისტრაციულ ერთეულში გზის გაწმენდითი სამუშაოები მიმდინარეობს. გზის გაწმენდითი სამუშაოები მიმდინარეობს დვაბზუს ადმინისტრაციულ ერთეულში. სოფელში ამ წუთებში მუშაობენ „ენერგო პრო ჯორჯიას“ თანამშრომლები ელექტროენერგიის აღსადგენად.
ასევე თოვლის საფარისგან უკვე გაიწმინდა გზები ნაგომრის, მთისპირის, ასკანის, დაბა ნასაკირალისა და დაბა ნარუჯის ადმინისტრაციულ ერთეულებში.
Loading ...
