უხანის საავადმყოფომ გამოაცხადა რომ ექიმი ლი ვენლიანის გარდაიცვალეა. ლი ვენლიანმა პირველმა გამოთქვა შიში ახალი კორონავირუსის საშიშროების შესახებ. საავადმყოფომ გამოაცხადა, რომ 34 წლის ექიმის გარდაცვალების დროა 7 თებერვალი, 2სთ 56 წუთი ადგილობრივი დროით (6 თებერვალი 20 სთ და 56 წთ თბილისის დროით).
ჩინეთის კომპარტიის მიერ კონტროლირებადმა გამოცემამ Global Times ექიმის გარდაცვალების შესახებ ინფორმაცია ჯერ 6 თებერვალს საღამოს გაავრცელა. რამოდენიმე საათის შემდეგ ტვიტი ამ ინფორმაციით წაიშალა, ხოლო გაზეთმა საავადმყოფოზე დაყრდნობით განაცხადა, რომ ექიმი ცოცხალია და კრიტიკულ მდგომარეობაშია. BBC-ის ცნობით მას სემდეგ რაც სოციალურ ქსელებში ლი ვენლიანის სიკვდილის შესახებ ინფორმაციის განხილვა დაიწყეს, ხელისუფლებამ განკარგულება გასცა ექიმი აპარატზე მიეერთებინათ და ცოცხლად გამოეცხადებინათ. საბოლოოდ საავადმყოფოს ადმინისტრაცია იძულებული გახდა გამოეცხადებინა ექიმის სიკვდილის ფაქტის შესახებ.
ლიმ ახალი ვირუსის შესახებ თავისი ვარაუდი პირველად 2019 წლის დეკემბერში გამოაცხადა, თუმცა ხელისუფლებამ იგი ცრუ ინფორმაციის გავრცელებაში დაადანაშაულა.
Loading ...