უფლებადამცველები ვაკის პარკის ტრაგედიასთან დაკავშირებით, ხუთშაბათს რუსთაველზე აქციას აანონსებენ

თბილისის მერიასთან, სადაც აქტივისტები და მოქალაქეები აქციას მართავდნენ, უფლებადამცველები მივიდნენ. მათ თბილისის მერის, კახა კალაძის სახელზე ორი განცხადება შეიტანეს, ერთი განცხადებით ისინი მოითხოვენ, ვაკის პარკში მომხდარ ტრაგედიაზე პასუხისმგებლობა კალაძემ აიღოს.

გარდა ამისა, ხუთშაბათს 3:00 საათზე რუსთაველის გამზირზე ისინი აქციას აანონსებენ.

13 ოქტომბერს, დღის პირველ ნახევარში, თბილისში, ვაკის პარკის შადრევანში ჩავარდნილი ბურთის ამოსაღებად ჩასულ სამ ბავშვს დენმა დაარტყა, მათგან ერთი, 13 წლის მარიტა მეფარიშვილი, გარდაიცვალა.

მომხდარზე გამოძიება 240-ე პრიმა მუხლის 1-ლი და მე-2 ნაწილით დაიწყო, რაც გულისხმობს ელექტროობიექტზე უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა.

თბილისის მერიამ  ვაკის პარკის რეაბილიტირებული შადრევანი და მცირე კასკადი 12 ოქტომბერს ტრაგედიამდე 1 დღით ადრე გახსნა.