ოზურგეთის მუნიციპალიტეტის საკრებულოს სხდომა კვლავ ხმაურის ფონზე გაიხსნა. დაპირისპირების მიზეზი ამჯერადაც ნაციონალური მოძრაობის განცხადება გახდა. ოპოზოციონერმა დეპუტატმა თათია ნიკოლაშვილმა სხდომაზე დაბა ურეკში არსებული ინფრასტრუქტურული პრობლემების ამსახველი ფოტო-მასალა წარმოადგინა და უმრავლესობას მოსახლეობის პრობლემებზე რეაგირება მოსთხოვა. განცხადებას ქართული ოცნების მხრიდან პროტესტი მოჰყვა. უმრავლესობის თქმით, ოპოზიციის მხრიდან ადგილი კვლავ დესტრუქციულ ქმედებებს და მოსახლეობის შეცდომაში შეყვანას აქვს. ოზურგეთის მერის მოადგილის გიორგი ღურჯუმელიძის განცხადებით, ურეკში არსებულ პრობლემებთან დაკავშირებით მოსახლეობასთან კომუნიკაციაში არიან და სანიაღვრე არხების და მისგან გამოწვეული დატბორვის პრობლემები მალე აღმოიფხვრება.
კომენტარები
Loading ...