ურეკის სანაპიროზე რამდენიმე დღეა დიდი რაოდენობით ნაგავი შეინიშნება. ტურისტები და ადგილობრივები უშედეგოდ ითხოვენ სანაპიროს გასუფთავებას. დღეს კი არასრულწლოვანმა სანაპიროზე არსებული ბასრი საგნით ხელის მტევანი დაიზიანა. ადგილზე საჭირო გახდა სასწრაფო სამედიცინო დახმარების გამოძახება. მდგომარეობის სიმძიმის გამო ბავშვის საავადმყოფოში გადაყვანა გახდა აუცილებელი.
ეს არ არის ერთადერთი შემთხვევა როდესაც სანაპიროზე არსებული ნარჩენებით ადამიანი დაზიანდა. არაერთხელ ყოფილა სამედიცინო ნემსებით და მინის ნამსხვრევებით დაზიანების ფაქტებიც.
,,ეს უკვე ყველა ზღვარს ცდება, რას გავს სანაპირო აქ არათუ დისკომფორტს განიცდის დამსვენებელი არამედ სიცოცხლისთვის საშიში გარემოცაა. არ ყავს ურეკს პატრონი, ეს რაც აქ ხდება უბრალოდ სირცხვილია. აი ხედავთ ბავშვი რა მდგომარეობაშიცაა, ეს არც პირველია და არც ბოლო”- ამბობს ერთ-ერთი დამსვენებელი ლამარა კვაჭანტირაძე.
ფოტორეპორტაჟი პროექტის “ახალგაზრდები რეგიონის განვითარებისთვის” ფარგლებში, საბა ბედინეიშვილმა მოამზადა.
Funded by the U.S. Embassy in Georgia/ დაფინანსებულია საქართველოში აშშ-ის საელჩოს მიერ