პოლიტიკური მოძრაობა “გირჩის” ლიდერის ზურაბ ჯაფარიძის განცხადებით, იმისთვის, რომ ხელისუფლებამ ოპოზიციის მოთხოვნები შეასრულოს, მნიშვნელოვანია პარლამენტის პიკეტირება განხორციელდეს.
რაც შეეხება დღევანდელი აქციის მიზანს, ჯაფარიძის თქმით, ხელისუფლებამ უნდა დაინახოს იმ ადამიანების რაოდენობა, რომლებიც მოატყუა.
“დღევანდელი აქციის მიზანია, რომ ბევრი ადამიანი გამოვიდეს და ხელისუფლებამ დაინახოს მათი რაოდენობა, რომლებიც არიან გაბრაზებულები ივანიშვილზე, რომელმაც ისინი და მთელი დედამიწა მოატყუა. ეს მგონია ამ აქციის მიზანი, დაინახო რომ ბევრი ადამიანი არსებობს, რომელიც არ არის ვიღაცის მონა და როდესაც მას ატყუებენ, ამაზე აქვს რეაქცია.
საკმარისი იქნება თუ არა, ამ მიზნისთვის ოპოზიციური პარტიების გაერთიანება, არ ვიცი. ვფქირობ, მნიშვნელოვანია მეტი გულწრფელობა და მეტი გამჭვირვალობა. საბოლოო ჯამში დარწმუნებული ვარ, ეს პროცესი დასრულდება იმით, რომ ეს ხელისუფლება წავა და დაინიშნება ვადამდელი არჩევნები.
ჩემი აზრით, ამ რეალობაში ძალადობის გარდა, ნებისმიერი ძალადობის ფორმა არის მისაღები. მნიშვნელოვანია, რომ პარლამენტის ფუნქციონირება შეწყდეს და მანამდე არ შევუშვათ პარლამენტში დეპუტატები, სანამ არ დასთანხმდებიან ვადამდელ არჩევნებს. პარლამენტის პიკეტირება უნდა მოხდეს. მომავალი წლის ბიუჯეტი ვერ უნდა დამტკიცდეს,” – განაცხადა ზურაბ ჯაფარიძემ.
“გირჩის” წევრები აქციის მიმართულებით უკვე დაიძრნენ.
rustavi2.ge
Loading ...
