23 ივნისს უკრაინულმა თვითმფრინავებმა SU-25 და SU-24M რუსი ოკუპანტები დაბომბეს. ინფორმაციას უკრაინის შეიარაღებული ძალების საჰაერო ძალების სარდლობა Telegram-ზე ავრცელებს.
“23 ივნისს მოიერიშე თვითმფრინავებმა SU-25 დაSU-24M მძლავრი საჰაერო დარტყმები მიიტანეს საოკუპაციო ძალებსა და ლოჯისტიკურ ცენტრებზე. ჩრდილო-აღმოსავლეთის მიმართულებით დამრტყმელმა ჯგუფებმა მტრის საბრძოლო მასალის საცავი, 30 ერთეული ჯავშანტექნიკა, ცოცხალი ძალა, ასევე საბრძოლო ტექნოლოგიების სარემონტო-აღდგენითი ცენტრი დაბომბეს”. – წერია განცხადებაში.
19 აპრილის დადგომასთან ერთად, რუსეთის სამხედრო ძალებმა დონბასში, აღმოსავლეთ უკრაინაში ინტენსიური თავდასხმები წამოიწყეს და ომის ახალ ეტაპზე გადავიდნენ.
როგორც უკრაინის პრეზიდენტი, ვოლოდიმირ ზელენსკი ამბობს, დაწყებულია ომი დონბასისთვის.
როგორც რუსეთის შეიარაღებულ ძალებში ამბობენ, მათი მიზანია სრული კონტროლი მოიპოვონ დონბასსა და სამხრეთ უკრაინაზე, რათა ყირიმსა და მოლდოვის ოკუპირებულ ტერიტორიას, დნესტრისპირეთს სახმელეთო დერეფნით დაუკავშირდნენ.
Loading ...