უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსის მოადგილის, ოლექსი გრომოვის თქმით, გასული კვირის განმავლობაში უკრაინის შეიარაღებული ძალების ავიაციამ რუსი დამპყრობლების საბრძოლო მასალის 7 საცავი გაანადგურა.
“საჰაერო ძალების თვითმფრინავებმა ერთი კვირის განმავლობაში 38 საჰაერო დარტყმა განახორციელეს მტრის იარაღის, სამხედრო ტექნიკისა და პირადი შემადგენლობის საწყობებზე. განადგურდა საბრძოლო მასალის შვიდი საწყობი”. – თქვა გრომოვმა.
19 აპრილის დადგომასთან ერთად, რუსეთის სამხედრო ძალებმა დონბასში, აღმოსავლეთ უკრაინაში ინტენსიური თავდასხმები წამოიწყეს და ომის ახალ ეტაპზე გადავიდნენ.
როგორც უკრაინის პრეზიდენტი, ვოლოდიმირ ზელენსკი ამბობს, დაწყებულია ომი დონბასისთვის.
როგორც რუსეთის შეიარაღებულ ძალებში ამბობენ, მათი მიზანია სრული კონტროლი მოიპოვონ დონბასსა და სამხრეთ უკრაინაზე, რათა ყირიმსა და მოლდოვის ოკუპირებულ ტერიტორიას, დნესტრისპირეთს სახმელეთო დერეფნით დაუკავშირდნენ.
Loading ...