უკრაინული მედიის ცნობით, თეირანში ჩამოვარდნილი"ბოინგის" მგზავრთა უმრავლესობა კანადელია

უკრაინის ეროვნული უსაფრთხოების საბჭოს ინფორმაციით, ამ ეტაპზე დადასტურებულია, რომ „ბოინგში“, რომელიც თეირანის აეროპორტთან ჩამოვარდა, 168 მგზავრი და ეკიპაჟის 9 წევრი იმყოფებოდა.

ირანის სახელმწიფო ტელევიზიის ცნობით, თვითმფრინავში იმყოფებოდა 167 მგზავრი და ეკიპაჟის 9 წევრი და ყველა მათგანი დაიღუპა.

ავიაკომპანია „უკრაინის საერთაშორისო ავიახაზების“ თვითმფრინავი “ბოინგ 737” დღეს, 8 იანვარს ჩამოვარდა თეირანის აეროპორტის მახლობლად. ირანული მედია კატასტროფის სავარაუდო მიზეზად ტექნიკურ პრობლემებს ასახელებს.

უკრაინული გამოცემა „ინსაიდერი“ წერს, რომ „ბოინგში“ იმყოფებოდა უკრაინის 15, ირანის 71, კანადის 73, შვედეთის 8, ავღანეთის 6, გერმანიის 4 და დიდი ბრიტანეთის 3 მოქალაქე.

www.radiotavisupleba.ge