უკრაინის ხელისუფლების ეს ძალიან სამწუხარო გადაწყვეტილება, რბილად ვამბობ, არის კოორდინირებული მოქმედების გამოხატულება – კობახიძე

უკრაინის ხელისუფლების ეს ძალიან სამწუხარო გადაწყვეტილება, რბილად ვამბობ, არის ამ კოორდინირებული მოქმედების გამოხატულება, ამის იქით აქ მეტს არაფერს ვიტყვი – ასეთია ოცნების თავმჯდომარე კობახიძის პირველი განცხადება უკრაინის ელჩის ქვეყნიდან გაწვევაზე.

კობახიძე ისევ ამტკიცებს, რომ არის მცდელობა საქართველო ჩართონ სამხედრო კონფლიქტში, ხოლო რაც შეეხება კოორდინაციას, კობახიძე აკონკრეტებს, რომ გულისხმობს ქვეყნის შიგნით კოორდინაციას და ისევ ყველაფერს ნაციონალურ მოძრაობას აბრალებს:

“საქართველოში კოორდინაციის ნაწილი არის ის პოლიტიკური ძალა, რომელიც ყოველთვის იყო შემჩნეული ღალატში საქარველოში, ეს არის ნაცმოძრაობა რა თქმა უნდა.” ამბობს კობახიძე.

რაც შეეხება სანქციებს, რაც იგორ დოლგოვის გაწვევის ერთ-ერთ მიზეზად დასახელდა, კობახიძის თქმით, რუსეთისთვის დაწესებულ სანქციებს საქართველოს გარდა, არ შეერთებიან აზერბაიჯანი, მოლდოვა, ისრაელი და ა.შ., თუცა ელჩები ამ ქვეყნებიდან არ გაუწვევიათ.

შეგახსენებთ, უკრაინის პრეზიდენტის გადაწყვეტილებით, საქართველოდან კონსულტაციებისთვის გამოიძახეს იგორ დოლგოვი.