რუსეთის საოკუპაციო ძალების ნაწილი, უკრაინის შეიარაღებული ძალების ზეწოლის გამო, უკვე გარბიან ოკუპირებული პოზიციებიდან ხერსონის რეგიონში – ამის შესახებ კახოვკას შეიარაღებული ძალების ოპერატიული ჯგუფი იტყობინება.
საქმე ეხება ე.წ. დონეცკის სახალხო რესპუბლიკის 109–ე პოლკს, რომელმაც პოზიციები დატოვა, ხოლო რუსი მედესანტეები ბრძოლის ველიდან გაიქცნენ. გავრცელებულ ვიდეოში ერთ-ერთი ოკუპანტი ჩივის, რომ შეიარაღებულმა ძალებმა უკვე დაარღვიეს თავდაცვის პირველი ხაზი და რუსულ პოზიციებს ტანკებით, არტილერიითა და ავიაციით ბომბავენ.
„ხერსონის ოლქის დროებით ოკუპირებულ ტერიტორიაზე ვითარება უკიდურესად მძიმეა. დიდმა და საშინელმა HIMARS-მა გაანადგურა თითქმის ყველა დიდი ხიდი (ანტონოვსკის რკინიგზა, გზა და ნოვოკახოვკა). დარჩა მხოლოდ საფეხმავლო გადასასვლელები. რუსეთის არმია მოწყვეტილია იარაღის მიწოდების არხებს ყირიმის ტერიტორიიდან. უკრაინისთვის ეს ტერიტორიების დაბრუნების ბრწყინვალე შანსია” აცხადებენ ოპერატიულ დაჯგუფება “კახოვკაში“.
ქვეყნდება რუკაც, რომელზედაც კარგად ჩანს, რა მდგომარეობაშია მტრის ლოჯისტიკა.
Loading ...