უკრაინის საჰაერო ძალები – ერთ დღეში რუსი ოკუპანტების 6 თვითმფრინავი, 1 ვერტმფრენი და 5 დრონი გავანადგურეთ

უკრაინის შეიარაღებული ძალების საჰაერო ძალებმა 22 მარტს რუსი ოკუპანტების 6 თვითმფრინავი, 1 ვერტმფრენი, 5 უპილოტო საფრენი აპარატი და 5 ფრთოსანი რაკეტა გაანადგურა, – ამის შესახებ უკრაინის საჰაერო ძალებში განაცხადეს.

„22 მარტს საჰაერო თავდაცვამ გადაწყვიტა არ შეჩერებულიყო რუსი დამპყრობლების მე-100 ჩამოგდებულ თვითმფრინავზე და მნიშვნელოვანი ზარალი მიაყენა მტერს ჰაერში,“- აცხადებენ უკრაინის საჰაერო ძალებში.

მათივე ცნობით, შეიარაღებული ძალების საჰაერო ძალების ავიაციამ მნიშვნელოვანი დარტყმა მიაყენა სახმელეთო სამიზნეებს : რუსული ძალების აღჭურვილობასა და ცოცხალ ძალას.