უკრაინის რადამ მხარი დაუჭირა თავდაცვის მინისტრის პოსტიდან ოლექსეი რეზნიკოვის გადაყენებას. ინფორმაცია დეპუტატმა იაროსლავ ჟელეზნიაკმა გაავრცელა. გადაწყვეტილებას მხარი პარლამენტის 327-მა წევრმა დაუჭირა.
კვირას უკრაინის პრეზიდენტმა, ვოლოდიმირ ზელენსკიმ განაცხადა, რომ მიიღო გადაწყვეტილება რეზნიკოვი პოსტიდან გათავისუფლებულიყო.
მის ადგილს სახელმწიფო ქონების ფონდის ხელმძღვანელი რუსტემ უმეროვი მას შემდეგ დაიკავებს, რაც მის კანდიდატურას უმაღლესი რადა დაამტკიცებს.
თავის მოხსენებაში რეზნიკოვმა განაცხადა, რომ სრულმასშტაბიანი ომის 550 დღის განმავლობაში რუსეთის მიერ ოკუპირებული უკრაინის ტერიტორიების 50%-ზე მეტი გათავისუფლდა. რეზნიკოვის თქმით, 22 თვის განმავლობაში, როგორც თავდაცვის მინისტრმა, შეძლო მასზე დაკისრებული ძირითადი ამოცანების დასრულება.
მიღწევებს შორის მინისტრმა დაასახელა პარტნიორებისგან იარაღის მიღება და ნატოსთან დაახლოება.
Loading ...
