უკრაინის არმიის მებრძოლებმა რუსეთის საოკუპაციო ძალების მე-11 ცალკეული მოტომსროლელი ლეგიონის ქვედანაყოფები დაამარცხეს, რომლებმაც ბრძოლის ველი დატოვეს. ინფორმაციას უკრაინული მედია ქვეყნის შეიარაღებული ძალების გენერალურ შტაბზე დაყრდნობით ავრცელებს.
გენშტაბის ცნობით, უკრაინის შეიარაღებული ძალების მებრძოლები კონტრშეტევას ახორციელებენ იზიუმის მიმართულებით, რომ რუსმა სამხედროებმა სლავიანსკზე შეტევა შეაჩერონ. უკრაინელი ჯარისკაცები ასევე ცდილობენ რუსეთის საარმიო ნაწილების მომარაგების მარშრუტების განადგურებას.
ინტენსიური საბრძოლო მოქმედებები გრძელდება სევეროდონეცკში, სადაც რუსეთის საოკუპაციო ძალები წინსვლას ვერ ახერხებენ. რუსი სამხედროები უკრაინის არმიის პოზიციებს არტილერიით და ზალპური ცეცხლის რეაქტიული სისტემებით ბომბავენ. რუსეთის დაბომბვის სამიზნე გახდა სამოქალაქო ინფრასტრუქტურა. გასულ ღამეს, რუსმა სამხედროებმა „ონიკსის“ ტიპის ფრთოსანი რაკეტებით ოდესის ოლქზე მიიტანეს იერიში. ოკუპირებული ყირიმის სანაპიროდან ნასროლი ორივე რაკეტა უკრაინის საჰაერო თავდაცვის სისტემამ გაანეიტრალა.
Loading ...