რუსეთი წარუმატებლად ცდილობს ალყაში მოაქციოს დედაქალაქი კიევი და მოახდინოს ქალაქ ჩერნიგოვის ბლოკირება, – ამის შესახებ უკრაინის შეიარაღებული ძალების ყოველდღიურ ანგარიშშია აღნიშნული.
მათივე ცნობით, რუსული ძალები შეეცდებიან განაახლონ შეტევითი ოპერაციები ქალაქების ბროვარისა და ბორისპილის მიმართულებით, იმისთვის, რომ აღმოსავლეთის მხრიდან დაბლოკონ უკრაინის დედაქალაქი კიევი.
„სლობოჟანსკის მიმართულებით მტერი ბლოკავს ქალაქებს სუმსა და ხარკოვს. ის თავს ესხმის სამოქალაქო ინფრასტრუქტურას. ცდილობს განაახლოს შეტევითი ოპერაციები ქალაქ იზიუმის მიდამოში,“- აცხადებენ გენშტაბში.
მათივე ინფორმაციით, პოპასნას, რუბიჟნესა და მარიუპოლის ხელში ჩაგდების მცდელობები “უშედეგოდ” მიმდინარეობს.
ამასთან, გენშტაბის მტკიცებით, საოკუპაციო ძალების გარკვეული ნაწილების რუსეთის ფედერაციის ტერიტორიაზე გაყვანა გამოწვეულია ამ ნაწილების პერსონალის 50 პროცენტზე მეტის დაკარგვის გამო. მათივე ინფორმაციით, რუსეთი აგრძელებს დანაკარგების შევსებას სარეზერვო ნაწილების წვრთნითა და გადაადგილებით.
Loading ...
