უკრაინის გენშტაბი – ე.წ. “ჯარის გაყვანა”, სავარაუდოდ, არის ცალკეული ქვედანაყოფების როტაცია და მიზნად ისახავს უკრაინის შეიარაღებული ძალების სამხედრო ხელმძღვანელობის შეცდომაში შეყვანას

რუსეთის ფედერაციის შეიარაღებული ძალების ქვედანაყოფების გაყვანა კიევისა და ჩერნიგოვის ოლქების ტერიტორიიდან გრძელდება, – ამის შესახებ უკრაინის შეიარაღებული ძალების გენერალური შტაბი იუწყება.

მათი მტკიცებით, ე.წ. “ჯარის გაყვანა”, სავარაუდოდ, არის ცალკეული ქვედანაყოფების როტაცია და მიზნად ისახავს უკრაინის შეიარაღებული ძალების სამხედრო ხელმძღვანელობის შეცდომაში შეყვანას.

“ზოგიერთი მინიშნების მიხედვით, მტერი ახორციელებს ქვედანაყოფების გადაჯგუფებას, რათა ძირითადი ძალისხმევის კონცენტრირება აღმოსავლეთზე მოახდინოს. ამავდროულად, ეგრეთ წოდებული “ჯარის გაყვანა”, სავარაუდოდ, არის ცალკეული ქვედანაყოფების როტაცია და მიზნად ისახავს შეცდომაში შეიყვანოს უკრაინის შეიარაღებული ძალების სამხედრო ხელმძღვანელობა და შექმნას მცდარი წარმოდგენა, თითქოს ოკუპანტები უარს ამბობენ ქალაქ კიევის ალყაში მოქცევაზე,”- აცხადებენ გენერალურ შტაბში.