ოზურგეთში უკრაინისადმი სოლიდარობის აქცია გაიმართა. აქცია ომის დაწყებიდან ერთი წლის თავს მიეძღვნა, და მისი ორგანიზატორი სამოქალაქო მოძრაობა “თავისუფლებისთვის” იყო. აქციაზე მოძრაობის აქტივისტებთან ერთად ოზურგეთის სხვა არასამთავრობო ორგანიზაციების წარმომადგენლები, სხვადასხვა პოლიტიკური პარტიის წევრები და რიგითი მოქალაქეები ესწრებოდნენ. აქციაზე უკრაინას სოლიდარობა გამოუცხადეს და მის მიმართ მხარდაჭერა კიდევ ერთხელ დააფიქსირეს. როგორც შეკრებაზე ითქვა, უკრაინაში მიმდინარე ომი და მისი უკრაინისვე სასარგებლოდ დასრულება საკვანძოდ მნიშვნელოვანია საქართველოს ევროპული მომავლისთვის. სამოქალაქო მოძრაობა “თავისუფლებისთვის” მთელი ერთი წლის განმავლობაში უკრაინას აქტიურად უჭერდა მხარს. ამ თემაზე მოძრაობას არაერთი აქცია და პერფორმანსი აქვს ჩატარებული.
კომენტარები
Loading ...
