უკრაინის ჯანდაცვის სამინისტროში აცხადებენ, რომ სამედიცინო პერსონალისთვის სავალდებულო კოვიდვაქცინაციის დაწესებას გეგმავენ. ამის შესახებ უკრაინული გამოცემა Ukrinform-ი ჯანდაცვის მინისტრ ვიქტორ ლიაშკოზე დაყრდნობით წერს.
„დღეს ჯანდაცვის სამინისტრო გზავნის ბრძანებას საჯარო დისკუსიებისთვის და სხვა სამინისტროებთან კოორდინაციისთვის, რათა იმ ადამიანების სია გაფართოვდეს, ვისთვისაც ვაქცინაცია სავალდებულო გახდება. ამ ეტაპზე ვსაუბრობთ მხოლოდ სახელმწიფო და მუნიციპალური ჯანდაცვის დაწესებულებების თანამშრომლებზე, ასევე საუბარია ადგილობრივი თვითმმართველობის თანამშრომლებსა და მუნიციპალური საწარმოების, ინსტიტუტებისა და ორგანიზაციების თანამშრომლებზე“, – განაცხადა ლიაშკომ.
ცნობისთვის, უკრაინაში მოსახლეობის დაახლოებით 18%-ია ორჯერადად აცრილი. ამასთან, ქვეყანაში ინფიცირების 3,1 მლნ-ზე მეტი შემთხვევაა დადასტურებული, მხოლოდ ბოლო 24 საათში 24 000-ზე მეტი კოვიდინფიცირების შემთხვევა დაფიქსირდა და გარდაიცვალა 750 ადამიანი. ჯამში ვირუსს 75,607 ადამიანი ემსხვერპლა.
www.bm.ge
Loading ...
