უკრაინის ხელისუფლების გადაწყვეტილებით, მთელი ქვეყნის ტერიტორიაზე 4 ათასზე მეტი „უძლეველობის პუნქტი“ გაიხსნა, სადაც 24 საათის განმავლობაში დენი იქნება. ამის შესახებ „უკრინფორმი“ იუწყება.
ბოლო დღეებში ელექტროსადგურებსა და გამანაწილებელ ქსელებზე რუსეთის შეიარაღებული ძელების სარაკეტო იერიშების შედეგად უკრაინის უდიდეს ნაწილს დღეს ელექტროენერგია არ მიეწოდება. ქვეყანაში უკვე საკმაოდ ცივა, შესაბამისად მთავრობა გამოსავალს ეძებს.
„უძლეველობის პუნქტში“ მისულ ადამიანს შეუძლია დატენოს ელექტრონული გაჯეტი – კომპიუტერი ან ტელეფონი. იქ არის მუდმივად ელექტროენერგია, გათბობა, წყალი, ინტერნეტი, „დედის და ბავშვის“ ადგილი, თბილი სასმელები და საკვები. ასევე, იგეგმება პუნქტებში Starlink-ის თანამგზავრული ინტერნეტის დამონტაჟებაც.
მომავალში პუნქტების რაოდენობა გაიზრდება. თითოეულ პუნქტში 500-მდე ადამიანი ეტევა.
ცნობისთვის, 10 ოქტომბრის შემდეგ რუსულმა ძალებმა უკრაინას 338 რაკეტა ესროლეს, რომლებიც თბოელექტროსადგურებს და საცხოვრებელ სახლებს მოხვდა. დაზიანდა შენობები კიევში, ლვოვში, ზაპოროჟიეს ოლქში და სხვა რეგიონებში. უკრაინის გენერალური შტაბი ვარაუდობს, რომ მსგავსი შეტევები გაგრძელდება.
Loading ...