უკრაინის უმაღლესმა რადამ მეორე მოსმენით მიიღო კანონპროექტი სამედიცინო კანაფის ლეგალიზაციის შესახებ. კანონპროექტს 248 დეპუტატმა დაუჭირა მხარი, ხოლო 16-მა წინააღმდეგ მისცა ხმა. ამის შესახებ „ეხო კავკაზა“ იუწყება.
უკრაინაში სამედიცინო მარიხუანის ლეგალიზაციის შესახებ საუბარი 2016 წლიდან მიმდინარეობს. მიმდინარე წლის ივლისში რადამ კანონპროექტი პირველი მოსმენით დაამტკიცა.
„უნდა მოხდეს იმის ლეგალიზაცია, რისი გამოყენებაც სამედიცინო მიზნებში ხდება, ამ კანაფის ბაზაზე დამზადებული წამლების. არსებობს შესაბამისი სამეცნიერო კვლევები და დასკვნები და ამას უკრაინის კანონმდებლობა დაარეგულირებს“, – განაცხადა უკრაინის პრეზიდენტმა ვოლოდიმირ ზელენსკიმ.
ზელენსკის თქმით, უკრაინამ ევროპაში უძლიერესი მენტალური და ფიზიკური რეაბილიტაციის დარგი უნდა შექმნას, რაც ომის პირობებში ძალზე მნიშვნელოვანია. კანაფის ლეგალიზაციას მხარი დაუჭირეს ცნობილმა უკრაინელმა ჟურნალისტებმა, სპორტსმენებმა, პოლიტიკოსებმა, მეცნიერებამ და ექიმებმა. სამედიცინო მარიხუანის ბაზაზე შექმნილი წამალი შველის ადამიანებს, რომლებიც პოსტტრავმატული სტრესული აშლილობით არიან დაავადებულები
Loading ...
