საქართველოს პრეზიდენტის ადმინისტრაცია უკრაინის პრეზიდენტის, ვოლოდიმირ ზელენსკის საქართველოში ვიზიტის საკითხს განმარტავს.
როგორც ადმინისტრაცია აცხადებს, უკრაინის პრეზიდენტის საქართველოში ვიზიტი დაგეგმილი არ ყოფილა.
ადმინისტრაციის ცნობით, მიმდინარე წლის ნოემბერში იგეგმებოდა საქართველოს პრეზიდენტის, სალომე ზურაბიშვილის ვიზიტი კიევში, თუმცა უკრაინაში მიმდინარე პროცესების გამო, უკრაინის მხარის თხოვნით, ვიზიტი 2020 წლისათვის გადაიდო.
სალომე ზურაბიშვილი ვოლოდიმირ ზელენსკის 1 სექტემბერს პოლონეთის დედაქალაქ ვარშავაში ვიზიტის ფარგლებში შეხვდა.
ორი პრეზიდენტის შეხვედრის დროს ვოლოდიმირ ზელენსკიმ სალომე ზურაბიშვილი უკრაინაში მიიპატიჟა.
თავის მხრივ, სალომე ზურაბიშვილმა კიევში, ინაუგურაციის შემდეგ გამართულ გამართულ შეხვედრაზე ვოლოდიმირ ზელენსკი საქართველოში ოფიციალური ვიზიტით მოიწვია.
www.radiotavisupleba.ge
Loading ...
