უკრაინაში დაღუპული ქართველი 24 წლის ბიჭია. ის სამხედრო ფრონტის ყველაზე ცხელ წერტილში, ბახმუტის მისადგომებთან დაიღუპა. ქართველმა მეომარმა სასიკვდილო ჭრილობები ოკუპანტებთან პირისპირ ბრძოლის დროს მიიღო. დაჭრილია კიდევ ერთი ქართველი მებრძოლი. მის სიცოცხლეს საფრთხე არ ემუქრება.
უკრიანაში მებრძოლი ქართველები ამბობენ, რომ დაღუპული ჯარისკაცი უცხოურ ლეგიონში მსახურობდა.
“გუშინ საღამოს გავიგეთ ეს ამბავი, კიდევ ერთი ქართველი დაეცა ბრძოლის ველზე. მსახურობდა უცხოურ ლეგიონში ლუგანსკის მიმართულებით მოხდა ეგ ამბავი. ის ბიჭი ვინც არის, ხელშის დაჭრილი. ბრძოლები მიმდინარეობს, ზოგ მონაკვეთში საარტილერიო არის, მიქსია, საარტილერიო, კონტაქტი ყველაფერი ერთად არის იმიტომ, რომ ნელ-ნელა უკრაინელები მიდიან წინ, რუსები ტოვებენ პოზიციებს” – ამბობს უკრაინაშ მებრძოლი ქართველი ჯარისკაცი.
გუშინ, პუტინის აგრესიას უკრაინაში კიდევ ერთი ქართველი მეომრის სიცოცხლე ემსხვერპლა.
Loading ...