უკრაინამ დამატებითი საბრძოლო თვითმფრინავები და მათი ნაწილები მიიღო – პენტაგონი

პენტაგონის პრესსპიკერმა, ჯონ კირბიმ განაცხადა, რომ უკრაინამ დამატებით საბრძოლო თვითმფრინავები მიიღო. ამის შესახებ მან 19 აპრილს, განაცხადა.

მისი თქმით, უკრაინამ ასევე მიიღო თვითმფრინავების ნაწილები, რაც კიევის არსენალში არსებული დაზიანებული და უფუნქციო თვითმფრინავების შესაკეთებლად დაეხმარებათ.

„მათ მიიღეს დამატებითი საბრძოლო თვითმფრინავები და თვითმფრინავების ნაწილები, რაც დაეხმარებათ მათ ჰქონდეთ თვითმფრინავი ცაში“, – განაცხადა ჯონ კირბიმ.

პენტაგონი ადასტურებს, რომ აშშ-მ ლოჯისტიკური უზრუნველყოფა გაუწია თვითმფრინავების ნაწილების მიწოდებისას, მაგრამ თავად საბრძოლო ავიაცია მათი ჩარევის გარეშე გადაეცა უკრაიანს.