იუსტიციის უმაღლესი საბჭოს არამოსამართლე წევრმა ანა დოლიძემ, არასამთავრობო ორგანიზაცია “კონსტიტუციის 42-ე მუხლის” თავმჯდომარემ კახა წიქარიშვილმა და ახალგაზრდული მოძრაობა “ჩვენი ხმის“ წევრებმა უზენაესი სასამართლოს 14 უვადო მოსამართლის არჩევისადმი პროტესტის ნიშნად პერფორმანსი მოაწყვეს. მათ უზენაეს სასამართლოსთან “პანაშვიდი” გამართეს, გვირგვინი მიიტანეს და სამგლოვიარო მელოდია შეასრულეს.
როგორც აქციის ერთ-ერთმა ორგანიზატორმა ანა დოლიძემ განმარტა, კლანმა საქართველოში მართლმსაჯულების პერსპექტივა დაასამარა, თუმცა ბრძოლა გრძელდება. ანა დოლიძის თანახმად, სამომავლო ქმედებებში საერთაშორისო პარტნიორების მხარდაჭერის იმედი აქვთ:
„ჩვენ ამ მომენტიდან ვიწყებთ მოქმედებას. ორგანიზაციები და დამოუკიდებელი იურისტები ვიწყებთ მიმართვას საერთაშორისო ორგანიზაციებისადმი, ამერიკის შეერთებული შტატებისა და სხვა პარტნიორი ქვეყნებისადმი, რომ ერთად ვეძიოთ გამოსავალი“, – განაცხადა ანა დოლიძემ.
საქართველოს პარლამენტმა 12 დეკემბერს უზენაესი სასამართლოს უვადო მოსამართლეობის 19 კანდიდატს უყარა კენჭი. კენჭისყრის შედეგად 14 მოსამართლე დაამტკიცეს.
www.radiotavisupleba.ge
Loading ...
