გორში მამა-შვილის, ცაციაშვილების მკვლელობაში ბრალდებულს უვადო პატიმრობა მიუსაჯეს – ინფორმაციას “ქართლის ამბები” ავრცელებს. გადაწყვეტილება მოსამართლე ლევან დარბაიძემ ნაფიც მსაჯულების ვერდიქტის შემდეგ მიიღო. როგორც ადვოკატმა, თამარ თედლიაშვილმა განაცხადა, ნაფიცმა მსაჯულებმა ბრალდებული სერგო ახალკაცი წარდგენილ ბრალდებაში დამნაშავედ ცნეს.
სერგო ახალკაცის მიმართ წარდგენილი ბრალდება განზრახ მკვლელობის მცდელობისა და/ან მკვლელობის მუხლით (საქართველოს სისხლის სამართლის კოდექსის 19‑109-ე მუხლი), გულისხმობს დანაშაულს დამამძიმებელ გარემოებებში ჩადენილს ორი ან მეტ პიროვნებაზე ორგანიზებულ თავდასხმას, რაც ითვალისწინებს 20 წლამდე ან უვადო პატიმრობას. ლევან დარბაიძემ მაქსიმალური სასჯელი გამოიყენა.
შემთხვევა 2025 წლის 28 აპრილს მოხდა. გამოძიებით დადგინდა, რომ გორში, ერთ-ერთი სავაჭრო ცენტრის მიმდებარე ტერიტორიაზე, შელაპარაკებისას, ბრალდებულმა შურისძიების მოტივით, ცეცხლსასროლი იარაღიდან რამდენჯერმე ესროლა მამა-შვილს. მიღებული დაზიანებების შედეგად ერთი დაზარალებული ადგილზე, ხოლო მეორე საავადმყოფოში მიყვანისთანავე გარდაიცვალა.
Loading ...