წყნეთში 15 წლის ბიჭი დენის დარტყმის შედეგად გარდაიცვალა.
არსებული ინფორმაციით, ბავშვები ეზოში, სკვერში თამაშობდნენ, რა დროსაც შემთხვევა მოხდა. ადგილობრივების თქმით, სკვერის მიმდებარედ ინფრასტრუქტურული სამუშაოები მიმდინარეობდა.
არასრულწლოვნის დახმარებას სასწრაფოს მისვლამდე ადგილობრივები ცდილობდნენ, თუმცა ბავშვის გადარჩენა ვერ მოხერხდა. მათი თქმით, 15 წლის ბიჭი წყნეთში სტუმრად იმყოფებოდა.
შემთხვევის ადგილზე მთელი ღამის განმავლობაში მუშაობდნენ ექსპერტ-კრიმინალისტები. ტერიტორია ყვითელი ლენტით იყო შემოსაზღვრული.
ჯერჯერობით უცნობია, რა მუხლით დაიწყო გამოძიება შინაგან საქმეთა სამინისტრომ.
კომენტარები
Loading ...