უახლოეს მომავალში ოზურგეთის მუნიციპალიტეტის სოფელ ჯუმათის გზის რეაბილიტაცია იწყება. ამის შესახებ მერმა ავთანდილ თალაკვაძემ დღევანდელ სხდომაზე განაცხადა.
”ვასრულებთ კიდევ ერთ პირობას და ვიწყებთ ჯუმათის გზის მშენებლობის და რეაბილიტაციის მასშტაბურ პროექტს. ამ მიზნით გამოცხადებული იყო ტენდერი, უკვე გამოვლინდა გამარჯვებული კომპანია და უახლოეს პერიოდში დაიწყება სამუშაოები. ჯამში გზის რეაბილიტაციის პირველი ეტაპისთვის 2 მილიონ ლარამდე დაიხარჯება. პროექტის მეორე ფაზა კი მომავალ წელს არის დაგეგმილი და მისი დასრულების შემდეგ იქნება კეთილმოწყობილი საგზაო ინფრასტრუქტურა, რომელიც ჯუმათის უძველეს მონასტრამდე მივა. ეს არის ერთ–ერთი უმნიშვნელოვანესი პროექტი. ამის შედეგად წლების მანძილზე არსებული ძალიან მნიშვნელოვანი პრობლემა მოგვარდება.” – განაცხადა ავთანდილ თალაკვაძემ.
Loading ...