თბილისის პირველი საუნივერსიტეტო კლინიკის სამედიცინო დირექტორის, ლალი ტურძელაძის განცხადებით, 15 წლის მოზარდის ჯანმრთელობის მდგომარეობა, რომელსაც კორონავირუსი აქვს, კვლავ მძიმეა. თუ რამ გამოიწვია მოზარდის მძიმე მდგომარეობა და აქვს თუ არა სხვა თანმხლები დაავადებები, აღნიშნულთან დაკავშირებით, ტურძელაძე არ საუბრობს.
„ისევ მძიმეა მდგომარეობა, სხვა ვერაფერს გეუბნებით, ბავშვი არასრულწლოვანია“, – განაცხადა ტურძელაძემ.
17 ოქტომბერს საქართველოში კორონავირუსით ინფიცირების 958 ახალი შემთხვევა დადასტურდა. ბოლო 24 საათში გამოჯანმრთელდა 214 და გარდაიცვალა 4 პაციენტი.
ამ მონაცემებით, ქვეყანაში ჯამში COVID-19-ის 16 285 შემთხვევაა დადასტურებული, მათგან 7 827 პაციენტი გამოჯანმრთელდა, 128 კი გარდაიცვალა.
კომენტარები
Loading ...