აშშ-ის ყოფილ პრეზიდენტს დონალდ ტრამპს 136-წლიანი პატიმრობა ემუქრება. ამის შესახებ Fox News-ზე დაყრდნობით Deutche Welle იუწყება.
ტრამპს ბრალი ედება 34 ეპიზოდზე. ამასთანავე გამოცემა ვარაუდობს, რომ რეალური სასჯელი ბევრად ნაკლები იქნება.
ნიუ-იორკის მანჰეტენის სასამართლომ 4 აპრილს აშშ-ის 45-ე პრეზიდენტს დონალდ ტრამპს ბრალი წაუყენა. ტრამპმა ბრალი არ აღიარა.
ეს აშშ-ის ისტორიაში პირველი შემთხვევაა, როდესაც ქვეყნის ყოფილ პირველ პირს სისხლის სამართლის დანაშაულში ბრალი წაუყენეს. ტრამპმა სასამართლოში 2 საათი გაატარა და ამ ხსნის განმავლობაში ფორმალურად ის დაკავებული იყო.
ტრამპის წინააღმდეგ წაყენებული ბრალის ძირითადი საქმე პორნომსახიობთან სტორმი დენიელსთან არის დაკავშირებული. პროკურატურის ვერსიით, 2016 წლის საპრეზიდენტო არჩევნებამდე ცოტა ხნით ადრე დენიელსს 130 ათასი აშშ დოლარი გადაუხადეს, რათა მას ტრამპთან ინტიმური კავშირის შესახებ ინფორმაცია საიდუმლოდ დაეტოვებინა.
ტრამპი მის წინააღმდეგ წაყენებულ ბრალდებას პოლიტიკურ დევნას უწოდებს და აცხადებს, რომ 2024 წლის საპრეზიდენტო არჩევნებში მონაწილეობას მიიღებს. მომდევნო სასამართლო სხდომა, სავარაუდოდ, 4 დეკემბერს გაიმართება
Loading ...