აშშ-ისა და უკრაინის პრეზიდენტებმა დონალდ ტრამპმა და ვოლოდიმირ ზელენსკიმ 26 აპრილს, დილით რომში ხანმოკლე ორმხრივი შეხვედრა გამართეს. ამის შესახებ უკრაინის სახელმწიფოს მეთაურის პრესმდივანმა, სერგეი ნიკიფოროვმა განაცხადა.
ორივე ლიდერი რომში ჩავიდა პაპ ფრანცისკეს დაკრძალვაზე დასასწრებად.
შეხვედრის შედეგების შესახებ ინფორმაცია არ გავრცელებულა.
ტრამპი და ზელენსკი ამჟამად ვატიკანში, წმინდა პეტრეს მოედანზე იმყოფებიან, სადაც რომის პაპის დაკრძალვის ცერემონია მიმდინარეობს.
„სკაი ნიუსის“ ცნობით, აშშ-ისა და უკრაინის პრეზიდენტები ცერემონიის შემდეგ დამატებითი მოლაპარაკებების გამართვაზე შეთანხმდნენ.
კომენტარები
Loading ...