საფრანგეთში გარდაცვლილი თელაველი ახალგაზრდა სამშობლოში წუხელ ჩამოასვენეს. გარდაცვლილის მამის, ინფორმაციით, 27 წლის გიორგი სამადაშვილი, საფრანგეთში, მოულოდნელად გარდაიცვალა.
„დაბადების დღეზე იყო, დაბრუნდა სახლში, დაიძინა და ვეღარ გაიღვიძა. რა გახდა გარდაცვალების მიზეზი, ჯერ არ ვიცით“ – განაცხადა ზაზა სამადაშვილმა.
„პრაიმტაიმის“ ინფორმაციით, ახალგაზრდა ევროპის ქვეყნებში სამუშაოდ ხშირად დადიოდა. ინფორმაცია მისი გარდაცვალების შესახებ, 23 დეკემბერს გავრცელდა.
ბოლო ორ თვეში, საზღვარგარეთის ქვეყნებში თელაველი ახალგაზრდების გარდაცვალების ორი ფაქტი დაფიქსირდა.
30 წლამდე ასაკის თელაველი ახალგაზრდა დაიღუპა კანადაშიც. ის საქართველოში 31 დეკემბერს ჩამოასვენეს. ექსპერტიზის დასკვნას, მამაკაცის გარდაცვალების მიზეზის შესახებ, ოჯახი 90 დღის განმავლობაში, დიპლომატიური ფოსტით ელოდება.
Loading ...