ერთიანი ნაციონალური მოძრაობის ლანჩხუთის ორგანიზაციის მდივანი, გივი ცინცაძე “გურია tv”_ს მიერ გამოქვეყნებულ ვიდეოს, სადაც 14 დეკემბერს მიმავალი აქტივისტი, ძიმითელი ტიტე მგელაძე სოფლის კეთილდღეობაზე საუბრობდა, ფეისბუქზე ეხმაურება:
– ქართული ოცნების და ბიძინა ივანიშვილის მორიგ მასკარადზე მოსახლეობის იძულებით წაყვანას ძიმითის მაჟორიტარმა ტიტე მგელაძემ “გასეირნება” დაარქვა. თუმცა ყველამ კარგად ვიცით, რომ მოსახლეობის თბილისში წაყვანა მასობრივი ტერორის, დაძალების და სამსახურიდან გათავისუფლების მუქარის ფონზე მიმდინარეობდა . ამასთნ, მგელაძის განცხადებით სოფელი მომძლავრდა და რაც არ უჭირთ – ეს საკვებია. მისთვის, თანაპარტიელებისთვის და მათი ოჯახებისთვის, რა თქმა უნდა მომძლავრებულია სოფელიც და სრულიად საქართველო, სადაც მოსახლეობა ჰარმონიასა და ბედნიერებაში ცხოვრობს. სინამდვილე კი რადიკალურად განსხვავებულია რეალობისაგან. გურულები, ისევე, როგორც მთელი საქართველო, სოციალური უსამართლობისთვის გაწირა ქოცების ხელისუფლებამ და კოშმარად გადაუქცია თითოეული დღე ქართველ ადამიანს. ტიტე მგელაძის მომძლავრებულ სოფელში თხილი ფაროსანამ შეჭამა, მანდირი 50 თეთრი ღირს და ოჯახის გამოსაკვებად გლეხი თურქეთშია გადახვეწილი. უმძიმეს პრობლემებად კი კვლავ გაზრდილი უმუშევროვა, სოციალური, პოლიტიკური და ეკონომიკური კრიზისი წარმოადგენს. თუმცა საზოგადოების განწყობებიდან გამომდინარე მომავალი არჩევნები, რომელიც ღრმად მწამს, რომ პროპორციული სისტემით უნდა ჩატარდეს, მისცემს მოსახლეობას არჩევანის საშუალებას – რომელი გზით წავიდეს და როგორ გამოიყენოს საკუთარი რესურსი და შესაძლებლობები. ქართველი ხალხი თავად შექმნის საკუთარ ისტორიას და ეს იქნება დიდი ნახტომი სიბნელიდან სინათლისკენ_ წერს ცინცაძე.
Loading ...