ტაილანდის დედაქალაქ ბანგკოკში ავტობუსი, რომელსაც დაწყებითი კლასების მოსწავლეები გადაჰყავდა, ავარიაში მოყვა და ცეცხლი წაეკიდა. ინფორმაციას გამოცემა BBC ავრცელებს.
როგორც ტაილანდის ტრანსპორტის მინისტრმა განაცხადა, 16-მა ბავშვმა და 3-მა მასწავლებელმა ავტობუსიდან თავის დაღწევა მოახერხა, თუმცა ტრანსპორტში კიდევ 22 მოსწავლე და 3 მასწავლებელი იმყოფებოდა.
BBC-ის ტაილანდური სამსახურის ინფორმაციით, ავტობუსში 10 ცხედარი უკვე იპოვეს.
ადგილობრივი ტელევიზიის რეპორტაჟში აჩვენეს შემთხვევის ამსახველი მასალა, რომელშიც აღნიშნულ ავტობუსს საბურავი უსკდება და მაგისტრალზე არსებულ საგზაო ზღუდარს ეჯახება.
მედიაში გავრცელებული ფოტოსურათებზე ჩანს, რომ ავტობუსი სრულიად დამწვარია. ადგილობრივი გამოცემებზე დაყრდნობით, გამომძიებლები მასზე სიმხურვალის გამო ვერ ადიან.
კომენტარები
Loading ...
