“სხვა სანომრე ნიშნებით იყო…”- პირი, რომელმაც “რომპეტროლზე” ბენზინის თანხა არ გადაიხადა, სავარაუდოდ, დაკავებულია

პირი, რომელმაც წუხელ ოზურგეთში ბენზინგასამართ სადგურ “რომპეტროლზე” საწვავი ჩაისხა და ადგილიდან თანხის გადახდის გარეშე მიიმალა, გავრცელებული ინფორმაციით, დაკავებულია. როგორც ბენზინგასამართი სადგურის თანამშრომლები ამბობენ, ახალგაზრდა მამაკაცმა, რომლის ცნობა ვერ შეძლეს, ავზის გავსება მოითხოვა. “ როცა ავზის გავსებას ითხოვენ, წინასწარ ხომ არ ვიცით რამდენი იქნება საწვავის ღირებულება, ამიტომ ასეთ შემთხვევაში, ჯერ ვასხამთ და თანხას მერე ვიღებთ. მან ამით ისარგებლა. ავტომანქანა “AUDI”-ით იყო და სხვა სანომრე ნიშნები ეყენა. როგორც გავიგეთ, სხვა ბენზინგასამართებზეც შემჩნეული ყოფილა ეს ადამიანი მსგავს ქმედებებში”- განაცხადეს თანამშრომლებმა. შეგახსენებთ, რომ წუხელ ბენზინგასამართ სადგურ “რომპეტროლზე” ახალგაზრდა მამაკაცმა საწვავი ჩაისხა და ტერიტორია თანხის გადახდის გარეშე დატოვა.

მასალა მომზადებულია პროექტის “ჩვენ ვირჩევთ, ჩვენ ვაკონტროლებთ” ფარგლებში.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.