„სუს-ს დასჭირდა მეტი ფული და თანხა დასაქმების პროგრამიდან მოიხსნა – არჩევნები არ იგეგმება და არც ამ ადამიანების გულის მოგება აღარაა საჭირო“ – გიორგი ხიშტოვანი

როგორც მან “პალიტრანიუსისა” და რადიო “პალიტრას” გადაცემაში “ საქმე” აღნიშნა, სინამდვილეში, დოკუმენტში მოყვანილი რეალური მაჩვენებლებიდან ჩანს, თუ რა ფისკალური გამოწვევების წინაშე დგას ქვეყნის ეკონომიკა.

“ეს არის ძალიან კარგი გადაფარვის ოპერაცია იმასთან მიმართებით, თუ რა ხდება სინამდვილეში ბიუჯეტში და ვეცდები, რიცხვებით ვისაუბრო. პირველ რიგში, ამ “გადასარევი” და “გამაოგნებელი” ეკონომიკური ზრდის პარალელურად, ჩვენ მივიღეთ ძალიან უცნაური სურათი სახელმწიფო ბიუჯეტის პროექტში 2026 წელს, როდესაც საგადასახადო გეგმა, წინა წელთან შედარებით არის ნომინალურად 5.5%-ით უფრო მეტი, რაც 3-დან 5%-მდე ინფლაციის პირობებში ნიშნავს იმას, რომ აი ამ “გასაოცარი” ზრდის შემდეგ წელს, 2026 წელს, ფაქტობრივად, იგივე გადასახადის აკრეფის გეგმა აქვს “ქართულ ოცნებას”. ეს ნიშნავს იმას, რომ ეს დოკუმენტი, რეალურად, ობიექტურად, იმის გამო, რომ ფინანსთა სამინისტროში პროფესიონალები სხედან, გეუბნება, რომ გადასახადებს, რომელსაც მე ეკონომიკიდან ამოვიღებ, იქნება იგივე. ეს მოცემულობაა, ფაქტია, მე არ ვიგონებ.

მეორე, პენსიები – საქართველოში სურსათსა და ჯანდაცვაზე დღეის მდგომარეობით ინფლაცია არის საშუალოდ 10%, მინიმალური გათვლებით. პენსიები იზრდება 20 ლარით, ანუ მხოლოდ 7%-ით. ანუ, ამ “გასაოცარი”, 100-მილიარდიანი, ადამიანზე 10 000-დოლარიანი ეკონომიკის შემთხვევაში, პენსიონერი თავისი პენსიით შეიძენს ნაკლებ სურსათს და წამლებს 2026 წელს, ვიდრე შეიძენდა 2025 წელს. ეს არის მეორე ფაქტობრივი მოცემულობა.

გააგრძელეთ კითხვა: