სურსათის ფასები ევროპაში – რომელია ყველაზე იაფი და ძვირი ქვეყნები

ევროპაში ოჯახის ხარჯების საშუალოდ 11.9% კვებაზე მოდის, თუმცა ზოგიერთ ქვეყანაში აღნიშნული ხარჯები 20%-საც აღწევს – ამის შესახებ „ევრონიუსი“ წერს და „ევროსტატის“ მონაცემებზე დაყრდნობით, საკვების ხარჯების მიხედვით 36 ქვეყნის რეიტინგს აქვეყნებს.

როგორც გამოცემა იუწყება, სტანდარტული სასურსათო კალათა ევროპაში 100 ევროს ფარგლებშია, თუმცა საკვების ფასები ევროპის ქვეყნებს შორის მნიშვნელოვნად განსხვავდება ერთმანეთისგან. ასე მაგალითად, 100-ზე მეტი ფასი ნიშნავს, რომ ამა თუ იმ ქვეყანაში სურსათი უფრო ძვირია, ვიდრე ევროპის საშუალო მაჩვენებელია, 100 ევროზე ნაკლები კი პირიქით, აჩვენებს, რომ ფასები ევროპის საშუალო ფასზე ნაკლებია.

ასე მაგალითად, ევროსტატის მონაცემებით, 2024 წელს ჩრდილოეთ მაკედონიაში 36 ევროპულ ქვეყანას შორის სურსათი ყველაზე იაფი იყო. აქ სტანდარტული სასურსათო კალათა 73 ევრო ღირდა. ამის საპირისპიროდ სურსათი ყველაზე ძვირი შვეიცარიაშია, სადაც საკვების ფასები ევროკავშირის საშუალო მაჩვენებელზე 61.1%-ით მეტია – კერძოდ, იგივე კალათა შვეიცარიაში 161.1 ევრო ღირს.

ევროკავშირში კი საკვები ყველაზე იაფი რუმინეთში (74.6 ევრო), ყველაზე ძვირი კი ლუქსემბურგშია (125.7 ევრო). ეს მონაცემები აჩვენებს, რომ ევროკავშირის საშუალო მაჩვენებელთან შედარებით, რუმინეთში სურსათი 25.4%-ით იაფია, ხოლო ლუქსემბურგში – 25.7%-ით ძვირი.

უფრო კონკრეტულად, 2024 წელს ევროპის 36-ქვეყანაში სტანდარტული სასურსათო კალათის ფასები ასე გამოიყურებოდა:

• შვეიცარია – 161.1 ევრო;
• ისლანდია – 146.3 ევრო;
• ნორვეგია – 130.6 ევრო;
• ლუქსემბურგი – 125.7 ევრო;
• დანია – 119.3 ევრო;
• ირლანდია – 111.9 ევრო;
• საფრანგეთი – 111.5 ევრო;
• ავსტრია – 110.9 ევრო;
• მალტა – 110.9 ევრო;
• ფინეთი – 108.4 ევრო;
• შვედეთი – 106.7 ევრო; გააგრძელეთ კითხვა: