პაკისტანის ცენტრალური პროვინციის ხელისუფლების ცნობით სულ მცირე 73 კაცი დაიღუპა სამგზავრო მატარებელში გაჩენილი ხანძრის შედეგად. ხანძარს მოჰყვა გაზის ბალანის აფეთქება მატარებელში, რომელიც კარაჩიდან რავანპინდიში მიემართებოდა.
ხელისუფლების წარმომადგენლები ხანძრის გამომწვევ მიზეზად ასახელებენ რამდენიმე მგზავრის მიერ საუზმის მომზადებას გასქურის გამოყენებით, რაც აკრძალულია უსაფრთხოების წესებით.
საგანგებო დეპარტამენტის წარმომადგენლის, რაჰიმ ხანის განცხადებით, დაიღუპა 73 ადამიანი, 43 დაშავდა. მათგან 11-ის მდგომარეობა კრიტიკულია.
კომენტარები
Loading ...