სულ მცირე, ხუთი ადამიანი დაიღუპა ვულკანის ამოფრქვევის შედეგად ახალ ზელანდიაში – თვითმხილველების ვიდეო

ახალი ზელანდიის პოლიციის ცნობით, სულ მცირე, ხუთი ადამიანი დაიღუპა ქვეყნის ჩრდილოეთ კუნძულის, უაიტ აილენდის აღმოსავლეთ სანაპიროზე ვულკანის ამოფრქვევის შედეგად. დაშავებულია 20 კაცი, 10-ზე მეტი დაკარგულად ითვლება. ვულკანი 9 დეკემბერს ამოიფრქვა.

მაშველებმა კუნძულიდან 23 ადამიანი გამოიყვანეს. სტიქიური უბედურების არეალში დაახლოებით 100 კაცი იმყოფებოდა.

ვულკანის ამოფრქვევის დროს კუნძულსა და მის გარშემო ტურისტების გარკვეული რაოდენობა იმყოფებოდა. ახალი ზელანდიის პრემიერ-მინისტრმა ჯასინდა არდერნმა განაცხადა, რომ პოლიცია ყველაფერს აკეთებს განსაცდელში ჩავარდნილი ადამიანების დასახმარებლად.