სულხან მესხიძის თქმით, ხელვაჩაურის საკრებულოს სხდომიდან „აჭარა თაიმსის“ გადამღები ჯგუფი ფიზიკური ანგარიშსწორებით გამოაგდეს.
“ჩვენ ვიყოფებოდით ხელვაჩაურის მუნიციპალიტეტის მერიაში, სადაც საკრებულოს სხდომის მიმდინარეობა უნდა გადაგვეღო, თუმცა ამის შესაძლებლობა არ მოგვეცა. საკრებულოს სხდომათა დარბაზიდან მერიის თანამშრომლებმა ფიზიკური ანგარიშსწორების შედეგად გამოგვაგდეს“.
როგორც მესხიძე „მედიაჩეკერთან“ საუბრისას ამბობს, საკრებულოს თავმჯდომარე, თენგიზ ირემაძე ფიზიკურ ანგარიშსწორებას ხედავდა, თუმცა მას რეაგირება არ ჰქონია.
“საინტერესოა ის გარემოება, რომ ხელვაჩაურის მუნიციპალიტეტის საკრებულოს სხდომათა დარბაზს სხდომის მიმდინარეობისას მერიის თანამშრომლები იკავებენ, რითაც მოქალაქეთა დასწრების შესაძლებლობას ზღუდავენ“.
“მედიაჩეკერს“ ხელვაჩაურის მერიის პრესსამსახურში განუცხადეს, რომ წერილობით კომენტარს ამზადებენ, რომელიც მალე გამოქვეყნდება.
წყარო: მედიაჩეკერი
კომენტარები
Loading ...