სუდანში ჯარსა და გასამხედროებულ ძალებს (RSF) შორის შეტაკებებია — დაძაბულობა მას შემდეგ გამწვავდა, რაც მთავრობამ და RSF-მ სამოქალაქო მმართველობაზე გადასვლის შეთანხმებას ვერ მიაღწიეს.
- დაღუპულია ასეულობით ადამიანი, მათ შორის, მშვიდობიანი მოქალაქეები.
- გავრცელებული ინფორმაციით, სუდანში საქართველოს 35-მდე მოქალაქე იმყოფებოდა, თუმცა კონკრეტულ ციფრს საგარეო სამინისტროში არ ასახელებენ.
- დაპირისპირებულ ზონაში იყვნენ ქართული ავიაკომპანიების, ჯეო სქაისა და მაი ვეის თანამშრომლები.
- ამ დროს, სუდანში საქართველოს 35-მდე მოქალაქე იმყოფებოდა, თუმცა კონკრეტულ ციფრს საგარეო სამინისტროში არ ასახელებდნენ.
- 25 აპრილს საგარეო საქმეთა სამინისტრომ განაცხადა, რომ საქართველოს არცერთი მოქალაქე სუდანში აღარ იმყოფება.
- განაცხადეს, რომ სუდანიდან საქართველოს მოქალაქეების ევაკუაციის პირველი ეტაპი დასრულდა და ისინი სუდან-ეგვიპტის საზღვარზე არიან გადაყვანილები.
- ამავე დროს, კიევი აცხადებდა, რომ სუდანიდან საკუთარ მოქალაქეებთან ერთად, საქართველოს მოქალაქეებიც გაიყვანეს.
დეტალები: სუდანიდან ევაკუირებული საქართველოს მოქალაქეების ნაწილი თბილისში დღეს დილით დაბრუნდა.
- ავიაკომპანია Geosky Airlines წერდა, რომ სუდანში სამუშაო ვიზიტით მყოფი 20-ვე თანამშრომელი 27 აპრილს საქართველოში იქნებოდა.
- ასევე Myway Airlines წერდა, რომ გუშინ საქართველოს მოქალაქეები ეგვიპტეში, კაიროში იმყოფებოდნენ, დაისვენებდნენ და შემდეგ გადმოიყვანდნენ თბილისში.
- “განსაკუთრებულ მადლობას ვუხდით საქართველოს კონსულს თურქეთში, ბატონ კონსტანტინე კოტარიას, რომელიც უწყვეტად უკავშირდებოდა ავიაკომპანიის მენეჯმენტს და აწვდიდა ყველა საჭირო ინფორმაციას”, — ნათქვამია განცხადებაში.
- კომპანია ასევე მადლობას უხდის საგარეო საქმეთა სამინისტრო და ყველა იმ ორგანოსა თუ ადამიანებს, რომლებიც ჩართულები იყვნენ ევაკუაციის პროცესში.
კომენტარები
Loading ...
