საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, შერიგებისა და სამოქალაქო თანასწორობის საკითხებში სახელმწიფო მინისტრის აპარატთან პარტნიორობითა და ამერიკის შეერთებული შტატების სახელმწიფო დეპარტამენტის დაფინანსებით ეთნიკური უმცირესობებით მჭიდროდ დასახლებული ქვემო ქართლის, სამცხე-ჯავახეთისა და კახეთის რეგიონის სტუდენტებმა თბილისში კულტურულ-საგანმანათლებლო ვიზიტის ფარგლებში შეხვედრები გამართეს პარლამენტსა და ნატო-ს სამეკავშირეო ოფისში.
საგარეო ურთიერთობათა კომიტეტის თავმჯდომარის პირველი მოადგილე გიორგი ხელაშვილთან შეხვედრისას ქვეყნის საგარეო პოლიტიკასა და უსაფრთხოების გამოწვევებზე, საქართველოსთვის ევროპული და ევროატლანტიკური ინტეგრაციის მნიშვნელობაზე და ევროკომისიის 12-პუნქტიანი რეკომენდაციების შესრულების პროცესზე ისაუბრეს.
Loading ...
