სტამბულში საქართველოს მოქალაქე გაყიდეს

ინფორმაციას tv  პირველი ავრცელებს .

საქართველოს მოქალაქე თრეფიქინგის მსხვერპლი გახდა. ადამიანით ვაჭრობის შემთხვევა თურქეთში მოხდა. შუახნის ქალი სტამბულში გაყიდეს და მოტყუებით ბელგიაში გააგზავნეს. მას პასპორტი და ტელეფონი წაართვეს და სარდაფში გამოკეტეს. დაფიქსირდა ფიზიკური ძალადობაც. მომხდარზე ინფორმაცია ბელგიის პოლიციას უკვე აქვს.

საქართველოს მოქალაქემ სიკვდილს თავი შემთხვევით დააღწია. ის ახლა  ბელგიაში, უსაფრთხო ადგილას რჩება.

მომხდარის დეტალებზე საქართველოს მოქალაქე “პირველებთან” საუბრობს. მისი თქმით, მორალური და ფსიქოლოგიური ძალადობის ქვეშ 10 დღის განმავლობაში იმყოფებოდა.

დამირეკა, რომ იყო სამუშაოა ძალიან მაღალი ხელფასით დიპლომატების ოჯახში. მოტყუებით გამოშვებული აღმოვჩნდი მე.  41 წლის ქალი ვარ და ასეთი გიჟი ცხოვრებაში არც მინახავს და არც გამიგია. უკვე ვიცოდი, რომ უნდა მოვეკალი. არ ვიცი, დეტალებს რომ ვიხსენებ, როგორ გადავრჩი, თავი როგორ გადავირჩინე… ძალიან ცუდად ვარ… ფსიქოლოგიურად ეს 10 დღე ძალიან ცუდად ვიყავი. საკუჭნაოში მომათავსეს.. ოფისი ყიდის. წინასწარ გიშვებს, უკვე თქვენი ფული აღებული აქვს, – ამბობს საქართველოს მოქალაქე. 

საქართველოს მოქალაქე ახლა ბელგიელი პოლიციელების გამოჩენას და  გამოკითხვაზე გადაყვანას ელოდება. ის გუშინაც გამოკიჰთხეს.