![](https://guria.tv/wp-content/uploads/2023/10/cumhuriyet-tarihinin-ilk-kilisesi-8-ekimde-aciliyor-zjqf-1024x576.webp)
თურქეთში, ქალაქ სტამბოლის ევროპულ ნაწილში, 8 ოქტომბერს მართლმადიდებლური ეკლესია იხსნება.
„ამ მოვლენას ისტორიული მნიშვნელობა აქვს არა მხოლოდ ქრისტიანებისთვის, არამედ მთლიანად თურქეთისთვის, რადგან ესაა პირველი ეკლესიის ნულიდან აშენების ფაქტი თითქმის ერთი საუკუნის განმავლობაში, თურქეთის რესპუბლიკის დაარსებიდან დღემდე“ – წერს თურქული გამოცემა „დეილი საბაჰი“.
ეკლესიის მშენებლობა 2019 წელს დაიწყო ასირიელი მართლმადიდებელი ქრისტიანების მოთხოვნით. ტაძარი 750 მორწმუნეზეა გათვლილი და მისი აგება დაახლოებით 4 მლნ დოლარი დაჯდა. ეკლესია საზოგადოების შემოწირულებებით აშენდა.
ეკლესია 2023 წლის თებერვალში უნდა გახსნილიყო, თუმცა ღონისძიება გადაიდო თურქეთის პროვინციებში მომხდარი დამანგრეველი მიწისძვრის შემდეგ.