რუსეთის სპეცსამსახურების ორი თანამშრომელი დაიჭრა მოსკოვის ცენტრში, ლიუბიანკაზე რუსეთის ფედერალური უშიშროების სამსახურის შენობასთან ატეხილი სროლის შედეგად. ზოგიერთი საინფორმაციაო საშუალება იუწყება ასევე სამი სამართალდამცველის დაღუპვის შესახებ.
ბოროტმოქმედმა ავტომატური ცეცხლსაროლი იარაღიდან 19 დეკემბრის საღამოს სროლა ატეხა უწყების პარკინგზე.
სახელმწიფო ტელეკომპანია “როსიას” ცნობით, თავდამსხმელი ნეიტრალიზებულია. სხვა დეტალები უცნობია.
სოციალურ ქსელში უკვე გავრცელდა ვიდეო, რომელზეც ჩანს, თუ როგორ ეფარებიან სროლის ხმაზე ჩაფხუტიანი პოლიციელები მანქანებს, ხოლო გამვლელები ცდილობენ გაქცევით უშველონ თავს.
კომენტარები
Loading ...