სპეცოპერაცია თბილისში – სუს-ი სოსო გოგაშვილის შვილის, ნიკოლოზ გოგაშვილის ბინასაც ჩხრეკს

სახელმწიფო უსაფრთხოების სამსახური ამ წუთებში სოსო გოგაშვილის კიდევ ერთი ​შვილის, ნიკოლოზ გოგაშვილის ბინას ჩხრეკს.

ჩხრეკა თბილისში, ცაგარელის ქუჩაზე მიმდინარეობს. ტერიტორიაზე პოლიციაა მობილიზებული.

გვიან ღამით, მას შემდეგ რაც სპეცოპერაციის შედეგად სოსო გოგაშვილი დააკავეს, პოლიციამ გონიოში მდებარე ბინაც გაჩხრიკა, სადაც დაკავებულის შვილი, ნინო გოგაშვილი იმყოფებოდა. სამართალდამცველებმა ნინო გოგაშვილის პირადი ნოუთბუქი და Wi-Fi როუტერი წაიღეს.