“სპეციალურმა საგამოძიებო სამსახურმა 8 მარტს გამართული აქციის მონაწილეებზე პოლიციის მხრიდან შესაძლო ძალის გადამეტების ფაქტზე გამოძიება დაიწყო. საქმე ასევე ეხება ზურაბ გირჩი ჯაფარიძის მიმართ შესაძლო ფიზიკურ ძალადობას.
განცხახდებას ამის შესახებ უწყება ავრცელებს.
სპეციალურმა საგამოძიებო სამსახურმა, გამოძიება საქართველოს შინაგან საქმეთა სამინისტროს ცალკეული თანამშრომლების მხრიდან, 2023 წლის 7-8 მარტს, ქ. თბილისში, საქართველოს პარლამენტის შენობის მიმდებარედ გამართული საპროტესტო აქციის დროს ზურაბ გირჩი ჯაფარიძის და აქციის სხვა მონაწილეების მიმართ განხორციელებული სამსახურებრივი უფლებამოსილების ძალადობით შესაძლო გადამეტების ფაქტზე, საქართველოს სისხლის სამართლის კოდექსის 333-ე მუხლის მესამე ნაწილის „ბ“ ქვეპუნქტით გათვალისწინებული დანაშაულის ნიშნებით დაიწყო.
სპეციალური საგამოძიებო სამსახური ატარებს ყველა საჭირო საგამოძიებო და საპროცესო მოქმედებას ობიექტური გამოძიების უზრუნველსაყოფად., -წერს საგამოძიებო.
Loading ...