„სპეკულაცია, რომ თითქოს ეხება აშშ-ის, ევროკავშირის მიერ დაფინანსებულ ორგანიზაციებს“ – ვოლსკი აგენტების კანონზე

სპეკულაცია, რომ ეს (უცხოური გავლენის თაობაზე კანონპროექტი) ეხება აშშ – ის, ევროკავშირის მიერ დაფინანსებულ ორგანიზაციებს – ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა.

სარეკლამო აგენტიც არსებობს და სპორტული აგენტიც, გააჩნია ამ სიტყვას როგორ მანიპულირებთ. მანიპულაციების ოსტატები ხართ, თორემ ეს ოფიციალური სახელია და ცუდი არაფერია, –  უთხრა მმართველი პარტიის ლიდერმა ჟურნალისტებს.
მისი განცხადებით, ნებისმიერი ორგანიზაცია, რომელიც საქართველოში მოქმედებს, საზოგადოებისთვის უნდა აკეთებდეს განცხადებას რა პროგრამას მიყვება, რა ოდენობის დაფინანსება აქვს და ვისგან მის განსახორციელებლად.

სპეკულაცია, რომ თითქოს ეხება აშშ – ის, ევროკავშირის მიერ დაფინანსებულ ორგანიზაციებს, სპეკულაციაა, რადგან ამ ურთულეს სიტუაციაში რაც მსოფლიოში შექმნილია, მოსალოდნელია ათასი ჯურის ორგანიზაციის შემოსვლა და არასამთავროვო ორგანიზაციებად რეგისტრირება და მათი დაფინანსება“, – განაცხადა ვოლსკიმ.