"სპართან" თავდასხმის შედეგად დაშავებული 19 წლის ახალგაზრდა გარდაიცვალა – თავდამსხმელები თავისუფლები არიან

მათე ჯომიდავა აფხაზეთიდან დევნილი იყო და სწავლის პარალელურად “სპარში” კონსულტანტად მუშაობდა.

31 დეკემბერს, “სპართან” თავდასხმის შედეგად დაშავებული 19 წლის ახალგაზრდა გარდაიცვალა. მათე ჯომიდავას თავის არეში მძიმე დაზიანებები აღენიშნებოდა. სამწუხაროდ, ექიმებმა აფხაზეთიდან დევნილი ახალგაზრდის გადარჩენა ვერ მოახერხეს.ჯომიდავა “სპარში” კონსულტანტად მუშაობდა. არსებული ინფორმაციით, ჯომიდავას უცნობი პირები სუპერმარკეტშივე დაესხნენ თავს. მართალია პოლიციამ ისინი დააკავა, თუმცა როგორც გარდაცვლილის ახლობელი ყვება, ბრალდებულებს მსუბუქი მუხლი წაუყენეს, სასამართლომ კი ისინი გირაოს სანაცვლოდ გაათავისუფლა.

www.newposts.ge