სოხუმში მასშტაბური პროტესტი მიმდინარეობს – რას აპროტესტებენ ოკუპიებულ აფხაზეთში

ოკუპირებული აფხაზეთი დიდი არეულობის ზღვარზე – სოხუმში მასშტაბური პროტესტია. საოკუპაციო რეჟიმს ხალხისგან რუსული ჯარი იცავს, სპეცრაზმი კი ე.წ პრეზიდენტის ადმინისტრაციის შენობის სახურავზე დგას.

მრავალათასიანი მიტინგის მონაწილეები რუსეთის მოქალაქეებისთვის მიწებისა და აპარატამენტების ყიდვას აპროტესტებენ. აქციაზე სიტყვით გამომსვლელები პირდაპირ ამბობენ, რომ აჩნდა საშიშროება ისინი უმცირესობა გახდნენ. “აფხაზეთი არ იყიდება, ბიჭვინთას რუსებს არ დავუთმობთ”, – ამ შინაარსის საპროტესტო ბანერებია გამოტანილი სოხუმის ცენტრში.

ოკუპირებულ სოხუმში ოპოზიცია აცხადებს, რომ საპროტესტო აქციების ჩატარებას კვლავ აპირებს.

გუშინ ე.წ. დიდი სახალხო მიტინგი ჩატარდა. ორგანიზაცია “აფხაზეთის სახალხო მოძრაობის” თავმჯდომარემ და ოპოზიციის ლიდერმა ადგურ არძინბამ განაცხადა, რომ ე.წ. რესპუბლიკის ხელმძღვანელმა უარი თქვა მოთხოვნების შესრულებაზე, რის გამოც აქციებს გააგრძელებენ. მან შეკრებილებს მიმართ, მზად იყვნენ თუ არა მისულიყვნენ პარლამენტთან, იმ შემთხვევაში თუ პრეზიდენტი “ანტიეროვნულ ინიციატივას” წარადგენდა, რაზეც დადებითი პასუხი მიიღო.