სოფელ ძიმითში ხანძრის შედეგად დაზარალებული ოჯახი დახმარებას ითხოვს

ოზურგეთის მუნიციპალიტეტის სოფელ ძიმითის მკვიდრი გურამ წულუკიძე ადგილობრივ ხელისუფლებას დახმარებს სთხოვს. გურამ წულუკიძეს რამდენიმე თვის წინ დაეწვა სახლი. განადგურებული და საცხოვრებლად უარგისია 3 ოთახი. ხანძრის შედეგად დაზიანებულია სახურავის მნიშვნელოვანი ნაწილი და როგორც ოჯახი “გურია TV”- თან საუბრისას აღნიშნავს, ყველა გაწვიმებაზე წყალი ჩადის და აზიანებს მთლიანად სახლს. ოჯახი წუხს, რომ ახლოვდება ცივი ზამთარი. როგორც ჩვენი რესპონდენტი გვიყვება, მან დახმარების თხოვნით რამდენჯერმე მიმართა მერიის წარმომადგენლებს, თუმცა უშედეგოდ. წულუკიძეების ოჯახი ხელისუფლებას დროული რეაგირებისკენ მოუწოდებს.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა გიორგი მორჩილაძემ  მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.